Wing的畢業文

今次呢個係Wing既畢業文, 其實因為人太多, 亦太多既新人我要照顧, 變左我轉為被動去照顧已入左group既姊妹, 即係佢地主動搵我, 我會好開心好樂意咁去同佢地傾下, Wing就係其中一位, 好開心你久唔久會call下我, pm下我, 遇到困難唔知點算, 會黎搵下我問下意見, 雖然我唔係醫生, 比唔到咩醫學上既意見, 但係當你需要support時, 我隨時喺你左右

去到最後一針前, 因為過敏, 醫生要你減藥, 你第一下就拒絕, 但我反而支持你減藥, 提醒左你一句我地做咁多野都係為左條命, 有乜理由就為左少少藥就玩死自己, 好彩你一點就明, 最後順利畢業啦, 好開心見到你放下去接受同面對, 以後要好好愛自己, 要健健康康, 一齊到老呀

****************************************

今日係手術後重生@第100日，昨天亦完成了最後一針化療

短短100天經歷了很多不一樣，一路上是滿滿的感恩 因為我遇到很多小天使 體驗到沿路上神一直的帶領及為我預備

回想確診的歷程，當初我係諗，如果合適，神接我回天家便好了，我係幾咁令人失望 當刻才切實體會到，原來「生老病死」不是必然的，我也許不會變老。。

後來想通了，我相信神不是要藉這場病攻擊我傷害我，而是提醒我要休息了，要反省了，要懂得放下了，不要執著，要過得比以前輕鬆快樂 因為我的存在，會令身邊的人幸福的 康復後我可以做到很多很多的事，我會照亮自己及其他有需要的人，會讓跟我相遇的人感到有前行的盼望(諗得好理想) 所以我改左keep going呢個名係想提醒自己要堅强繼續向前走

經歷4針的治療有很多不容易的時刻，相信大家都各有體會及百般滋味，特別是升白針的加持，骨痛的痛楚真係難以言喻 我同大家一樣，都努力用念力咁忍忍忍忍忍，期望如期順利小學畢業

直到今個星期三抽血為最後一針做準備，醫生特意安排見我，因為3rd針後Day 11出現頸紅腫及4次氣管過敏收窄呼吸困難的情況，醫生表示假設我對此化療藥有罕見嚴重過敏反應，而突發氣管收窄如不及時搶救就有窒息風險，醫生建議我停藥3針止步、或轉打ACx3針、或減劑量 沒想到已入直路快小學畢業了，也需要做咁重大的決定，也沒想到有機會因為窒息而劃上句號。。

我同醫生講堅持唔換藥唔減劑量，後來多謝有位神派來的另類天使@Jacqueline前來告訴及溫馨提醒左我：做咁多野為左條命之嘛，搏到條命都冇埋為咩？

謝謝她的智慧及淡定勸勉，晚上我再祈禱，我在想… 可能神係想話我知：「頭3針已殺晒d衰嘢，4th針減d劑量係啱㗎啦~ 幫補吓~ 唔會傷害到你 我會保護你」我係咪好搞笑？ 不要怕，只要信 這是一個信心得勝的功課

週四入院為化療最後一針作準備，感恩昨日整個化療過程很順利，沒有出現過敏反應，留院一晚觀察也平安，今日可以順利出院啦

藉此機會我要感謝

@Jacqueline 多謝妳成立左呢個群組，多謝妳帶左我入嚟，多謝妳@智慧及另類，妳話妳知好多人好鍾意妳，我都要講句：好鍾意妳份另類 妳要保重身體呀~

@Ada 妳真係好正個性都超正，總係會撲出嚟解答開解吓有需要@姐妹，好幾次妳的說話無意中扯返我d正能量上嚟，多謝妳

@Carol 謝謝妳畀d療康佳我試試，這次下午茶真係好開心，妳分享的話我都記住了

@Char 妳把聲真係好溫柔，多謝妳親筆寫的心意咭及寄來的分界假髮，希望有機會上吓妳的瑜珈班

@Dora 多謝妳互相勉勵、提醒及代禱的感覺真的太好，神我們共勉之~

@Ellen 記得有次我好唐突咁pm妳，多謝妳的回覆及鼓勵

@Jessica 多謝妳的分享並主動來電交流資訊呀，妳同妳媽咪更健康快樂

@Vensanna 多謝遠方的妳@勉勵也心痛我讓我感到安慰及力量，妳真係一位溫暖的大姐姐

@Winnie 多謝妳寄來的蛋白粉，妳話而家要努力影多d相作珍藏，妳一家滿載超幸福的回憶

@YYY 同妳差不多時間開始化療，下週一妳就最後一針了，加油加油平安順利呀

多謝我可愛@家人面對媽咪，很愧疚自己的不健康讓她很疲累，感謝媽咪的及悉心照顧，我要努力更快回復健康 另外，抱著我哭也為我打升白針@勇敢家姐我的好友怪獸，每次都迫佢老公請假凑小朋友，點都要陪我出出入入醫院覆診及接受化療，昨日最後一針由9am陪到我10pm先離開醫院，感謝

每一位^^ 人生窄窄的淺道上能相遇，真是難得的緣份，期待日後有機會跟大家聚會時碰面，想必陣容會很壯觀嘻嘻哈哈啊

下一站電療會順利的，也願群組内每一位都平安順利