You’re not alone 2.0成立


You’re not alone whatsapp group已有63人,早前發現新加入既姊妹冇乜出聲,可能舊人識左一段時間而佢地都做晒treatment而成為左好朋友,大家每日話題好多,日日都好開心,但新既姊妹就比較難融入,於是忽發奇想諗左幾日,決定開一個2.0比新既姊妹。

點知一開左個2.0後,新姊妹真係活躍起來,唔開心既位係我開左個group短短一個月,已有43人,真係越來越多確診者,但大家gather埋一齊去面對化療,我睇住部份姊妹由初初搵我時好down, 入左group一日黎變得開朗,積極,我就知我做既係岩。

自從成立左呢個page後,我認識到好多唔同既姊妹,性格唔同,家庭背景唔同,工作唔同,來自五湖四海都有,同左咁多唔同既人接觸,我都獲益良多,大家一齊去學習。

今日有位好有心既姊妹,佢自己係化療中,佢本身係一位兼職瑜珈老師,佢見自己精神,為班姊妹開zoom教姊妹做瑜珈拉下筋,郁動下,好感謝你既愛!呢個2.0好有愛😘😘😘😘

分享: