Zoe家姐畢業
2022 年 9 月 2 日 姊妹畢業感言 家屬group唔係得女兒, 有兒子, 有家姐, 有女女, 有妹妹, 有丈夫, 仲有我我班姊妹, 佢地會盡一切努力去解答家屬既問題, 真係要比啲掌聲
big big congrats Zoe同埋佢家姐, 入嚟既家屬都好乖好孝順同好有愛，家人好多時因為感受唔到而乾急同擔心，希望呢個group都可以手拖手延續大愛！
Zoe, 恭喜你一家人齊心打贏呢場仗，祝你一家人都健康到老
********************************
各位，我想同大家分享一件開心事，我家姐已做完曬所有療程，好返曬啦！目前食緊AI, 係4月13日已開始上班，重新過新生活了
在此感謝各位俾左好多資訊同鼓勵我，係呢個家屬group，我感受到每一位都好有愛，好願意互相幫助，真的謝謝你們！
自己嘅至親有病痛，感覺真係幾難受，但只要有信念，一步一步行落去，我相信好快就會見到曙光。希望現時家人正接受緊治療嘅各位弟兄姊妹繼續努力，我地嘅支持同鼓勵，對至親嘅病患係一支無敵嘅強心針，要相信治療只係過程，會過去的，好快就可以好返！
再次多謝會長Jacqueline, 多謝係呢個家屬group入面咁多位嘅寶貴資訊、支持同鼓勵
！
係呢度，我同時代表家姐感謝各位，希望各位與其家人天天開心，身體健康